كشف استشاري العقم والحقن المجهري الدكتور عزمي صالح، عن سر طول العمر لسكان جزيرة سردينيا الإيطالية، مشيراً إلى أنهم من المعمرين الذين تتعدى أعمارهم 100 سنة.
تفاصيل الفيديو
وقال خلال مقطع فيديو: "أهل جزيرة سردينيا شبه فلاحين، بيرعوا الأغنام وبيزرعوا شجر الزيتون والعلماء وجدوا إن سر صحتهم في الأكل النباتي ووجود حياة اجتماعية أفضل".
وأضاف: "بيهتموا بالأسرة اهتمام شديد بيقعدوا مع بعض بالليل، بيتسامروا ويمنعوا الضغط النفسي، وبيناموا كويس، ومش بيروحوا الجيم لكن بيمشوا كتير".
العوامل المساعدة
وتابع: "والبلد دي بالذات فيها طلعات ونزلات لكن مفيش أسانسير عشان كده بيعتمدوا على نفسهم، والزيوت بتاعتهم هي زيت الزيتون، والعيش بتاعهم مخمر، واللحمة بياكلوها مرتين أو 3 فقط في الشهر، وأكتر أكلهم سمك والأكل النباتي".
وأكمل: "العيش عندهم بيخمروه قبلها بيوم أو يومين وبيغذي البكتيريا النافعة، والبقوليات عرفوا إزاي يزيلوا منها القشر ويطبخوها عشان متسببش تعب".
